JavaScript is not enabled!...Please enable javascript in your browser

جافا سكريبت غير ممكن! ... الرجاء تفعيل الجافا سكريبت في متصفحك.

recent
عاجل
الصفحة الرئيسية

حصرياً | تفاصيل اختبارات وظيفة خدمات معاونة بمسابقة الازهر الشريف

حصرياً | تفاصيل اختبارات وظيفة خدمات معاونة بمسابقة الازهر الشريف 
منشور بتاريخ اليوم الاحد الموافق 9/11/2014


شكر خاص لصديق الصفحة عطية محمد على نقل الصورة كاملة من تفاصيل اختبارات مسابقة الازهر الشريف / خدمات معاونة 

السلام عليكم ورحمة الله وبركاته بعد التحية الى افضل صفحة على الفيس بوك وشكر خاص للقائمين على الصفحة الجميلة دي وربنا يبارك ليهم جميعاً بدون مجامله والله فعلا الناس دي تستاهل كل خير .

على العموم ندخل فى المهم انا قدمت فى مسابقة الازهر الشريف المنشورة هنا بالصفحة بتاريخ 6/2014 وبعد تسجيل طلب الوظيفة وكانت خدمات معاونة وكان الشروط الحصول على محو امية وشهادة ابتدائية واعدادية فقط وطبعاً انا حاصل على مؤهل متوسط وقدمت بالمؤهل الاعدادي علشان الدرجة المالية على العموم مكنش حد عارف حاجة عن تفاصيل الاختبارات واللى سمعته انهم محتاجين ناس فعلاً مش معاهم غير المؤهلات المطلوبة فقط علشان الناس اللى معاهم دبلوم ومؤهل عالى بترجع تسوي بالمؤهل الاعلى ويرجع وظيفة العامل او الفراش خالية دائمة بالذات فى الازهر بسبب التسوية .
المهم الناس هنا فى الصفحة وعلى راسهم الادارة قد نشروا تفاصيل الاختبار الاولية انهم بياخدوا فقط الناس اللى معاهم محو امية وابتدائية واعدادية فقط واللى معاهم دبلوم او مؤهل عالى بيتم رفضة حتى اذا كان مقدم بمؤهل اعدادية لعدم التسوية بعد ذلك .

المهم فى الموضوع ايه اللى حصل معايا بالتفاصيل المملة حتى يستفاد الجميع ؟
اولاً عرفت ميعاد الاختبار بتاعي اللى هو تبع محافظة الشرقية حرف (ع) كان المقرر لية اليوم الاحد 9/11/2014 وطبعا لما عرفت انهم بيرفضوا اللى مكتوب على البطاقة بتاعة دبلوم وبيتم وضع علامة اكس على اسمة وبيدخل الاختبار عادي بس بيتم رفضة بعد ذلك و انا اخدت معايا بطاقة مكتوب عليها طالب غير سارية وتم رفضها نهائى وقالى روح ورجعت وطلعت البطاقة التانية اللى مكتوب عليها حاصل على دبلوم صنايع وقدمتها وكتب على وش الصورة صنايع ولما دخلت الاختبار قدام واحد بيسألك سوال واحد فقط مقدم بشهادة ايه قلت لية الاعدادية قالى شكرا اتفضل وطبعا بيشوف البطاقة وشهادة الجيش للتاكد اذا كنت فعلا حاصل على مؤهل متوسط او عالى او اعدادية او محو امية واللى يضحك عليك ويقلك الحق غير البطاقة الى عامل طيب اذا خدمت ومكتوب مدة الخدمة العسكرية سنتان ما هيعرفوا يا حدق وبرضوا هتترفض بس هما مش قالوا حاجة هما مشوا الحوار عادي جدا مش بيقولوا لحد انك كدة اترفضت وممكن يكون هناك شئ الله اعلم بيه يكون للناس دي 
وهناك كشوف على البوابة بيتم كتابة اسمك ورقم البطاقة بتاعتك والمؤهل اللى حاصل علية ويبقي النموذج ده قدام الراجل اللى بيختبرك وعند سؤالك انت مقدم بايه تقلة اعدادية وقدامة فى الورقة انك متوسط وبعد لما تمشى انا شفته بيضع اكس على الاسم والله اعلم برضوا 

وعلشان تعرف الاوراق المطلوبة علشان تبقى عامل حسابك :
- صورة البطاقة + الاصل للاطلاع
- صورة شهادة الاعدادية او الابتدائية او محو الامية + الاصل للاطلاع
- صورة شهادة الخدمة العسكرية + الاصل للاطلاع 
- صورة شهادة الميلاد + الاصل للاطلاع

هو ده الورق المطلوب فقط والرقم اللى سجلت بيه ملوش لازمة طيب ممكن واحد يقول طيب اى واحد يروح يقدم عادي لا بيتم مطابقة الرقم القومي على الكمبيوتر بعد تسجيل الاسم والاختبار واللى غير مسجل بيتم رفضة ده الكلام اللى قاله الراجل اللى على البوابة 

واحب اقول لكل الناس المقدمة تروح عادي معاك محو امية او بتدائية او اعدادية او دبلوم الجميع يروح وسيب الباقى على الله والعنوان سهل جداً زي ما تم التوضيح من قبل موقع وظائف مصرية اسهل طريق الله الوكيل المترو تنزل محطة عبدة باشا اتجاه العباسبة تطلع من المحطة تاخد شمالك ثم اول تقاطع تاخد شمالك على طول هتلاقى مدينة البعوث الاسلامية على يمينك وهتلاقى استاد البعوث على شمالك هو ده الاستاد وهتلاقى فيه علامة مميزة هتلاقى كراسى تلاميذ كتيرة جوه هتمشى مع السور الاستاد للاخر ثم تدخل من اخر السور شمالك هتلاقى ناس كتير قوي هما دول ياريس قدم وخلاص معاك دبلوم مش تحاول تخبى لانك هتتعرف من شهادة الجيش لو ادي الخدمة وشكراً الى اجمل صفحة على الفيس بوك

تابع ايضاً :


تابع جروب "وظائف الحكومية المصرية" على الفيس بوك

للمزيد من فرص العمل الحكومية والخاصة تابع اكبر صفحة نشر وظائف فى مصر على الفيس بوك

متابعة جميع الوظائف الحكومية لحظه بلحظه نزل الان تطبيق وظائف مصرية من سوق جوجل بلاي


تقدم الى كبري الشركات المصرية والعربية بتسجيل سيرتك الذاتية كاملة
حصرياً | تفاصيل اختبارات وظيفة خدمات معاونة بمسابقة الازهر الشريف

farid

تعليقات
    الاسمبريد إلكترونيرسالة