معهد معاون الامن للذكور والاناث (سؤال وجواب)
* السلام عليكم * … بوست انهارده عن معهد معاون الامن للشباب والبنات
هقول كل حاجة عن المعهد علي هيئة حوار مكون من سؤال وجواب ( زي البوست بتاع تقديم البنات )
_______________________________________
#معهد_معاون_امن
1️⃣ #مرحلة_التقديم_وتعريف_المعهد
#س١ / هو ايه معهد معاون امن دا ؟
#ج١ / اول حاجة المعهد دا بقي بديل معهد امناء الشرطة وبكدا انتهي معهد امناء الشرطة والامناء الموجودين دلوقتي دول ناس قديمة في الخدمة … وفي ٢٠١٥ الوزاره عملت البديل واسمه معهد معاون امن وكان للشباب فقط وفي ٢٠١٦ بقي للشباب والبنات
_________________________________________
#س٢ / ايه هي شروط التقديم للمعهد ؟
#ج ٢ / • طبعا تكون مصري واهلك مصريين
• اقل سن للتقديم ١٩ سنه واكبر سن ٢٥ سنة
• التقديم بشهاده الاعدادي فقط ولو خلصت اعدادي وعايز تقدم لازم تكمل ١٩ سنه الاول
• طبعا حسن السير والسلوك ومتكونش اتحكم عليك في قضايا قبل كده
• وتكون فيك كل الشروط الصحية والبدنية
• بالنسبه للطول فالشباب اقل طول ١٧٠ سم
والبنات ١٦٠ سم وعرض صدر الشباب اقل طول ٨٥ سم
والوزن اطرح من طولك ١٠٠ سم
• الا تكون مجند بالقوات المسلحة او ملحق بالخدمة الشرطية
• الا تكون متزوج او سبق لك الزواج
_________________________________________
#س٣ / ايه هي الاختبارات اللي هعملها وانا بقدم ؟
#ج٣ / مقاس وقوام ، طبي ، رياضي ، قدرات ، هيئة ، طبي متقدم
مدة الاختبارات بتستمر لسنة
_________________________________________
#س٤ / ايه الاوراق اللي هحتاجها في التقديم ؟
#ج٤ / هتحتاج بطاقتك وشهاده الاعدادي واي ورق تاني هيكون في الملف لما تسحبه
_________________________________________
#س٥ / ايه هي الاماكن اللي اقدر اسحب منها الملف ؟
#ج٥ / ⬅️ معهد معاوني الامن بطرة
⬅️ معهد معاوني الامن بالقاهره بشارع جسر السويس
⬅️ معهد تأهيل الافراد بالقاهرة في احمد عصمت بعين شمس
⬅️ معهد معاوني الامن بالبحيرة مدخل وادي النطرون
⬅️ معهد تأهيل الافراد بسوهاج حي الكوثر
وبس كده مفيش غير دول
_________________________________________
#س٦ / طيب #التقديم للمعهد امتي ؟
#ج٦ / التقديم دلوقتي قافل ووالله اعلم هيفتح امتي بس اكيد لما يفتح هنبلغكوا ع البيدج
_________________________________________
🔺•كده خلصنا مرحلة التقديم ندخل في مرحلة الدراسه في المعهد •🔺💪
_________________________________________
#س٧/ نظام الدراسه في المعهد هيبقي ايه وهندرس ايه في المعهد ؟
#ج٧ / مدة الدراسة اكتر من سنة ونص 18 شهر ، متقسمة على 3 مراحل
تدريب اساسي ٦ شهور : ودي مرحلة انتقالية من الحياة المدنية للحياة الميري لمدة 3 شهور وهتتعود/ي والتدريب على استخدام كافة الاسلحة
تدريب عام ٦ شهور : وده بيعرفك على كل افرع وقطاعات الداخلية وبتدرسي كل حاجة فيها وكمان بتدرس/ي الدراسات القانونية والإجراءات الجنائية
تدريب تخصصي ٦ شهور : وده هتدرب/ي في تخصص واحد واللي هيكون شغلك فيه بعد التخرج زي مثلا " الجمارك ، المرور ، المطار ، امن مركزي ، الموانئ ، الامن الوطني ، الحماية المدنية ... " للاناث والذكور متاحله كل ادارات الوزاره
هوضح نقطة في التدريب التخصصي " المعهد بيقيم الطالب ف خلال السنة وعلى اساسه بيصنفه ويخصصه في القطاع المناسب "
_________________________________________
🔺كده خلصنا مرحلة الدراسة ندخل بقي في مرحلة التخرج 🔺
_________________________________________
#س٨ / ايه المميزات اللي هحصل عليها بعد التخرج ؟
#ج٨ / هتحصل ع كل المميزات الخاصه برجال الشرطه زي الخدمات الصحية والاجتماعية و...
_________________________________________
#س٩ / بالنسبه للبس هلبس ايه ؟
#ج٩ / هتلبس لبس ميري زي اي حد في شرطه
_________________________________________
#س ١٠ / بالنسبة للرتب هتخرج برتبه ايه وهوصل لملازم ولا لا ؟
#ج١٠ / اول حاجة مش هتوصل لملازم ومش هتبقي ظابط هتتخرج معاون امن وتفضل في نفس الرتب والرتب بتاعتك هتبقي رتب المعهد بس زي
معاون امن ثالث
معاون امن ثان
معاون امن اول
معاون امن ممتاز
معاون امن ممتاز ثان
معاون امن ممتاز اول
_
